Puisi Cinta Basa Sunda

blogger templates
Kumpulan Puisi Cinta Basa Sunda - Puisi sunda puisi cinta basa sunda kumpulan puisi bahasa sunda. Berikut puisi cinta basa sunda romantis atau koleksi puisi cinta bahasa sundanya dibawah ini:
kenging ceu Chye Retty Isnendes

      Hirup
Hirup teh cita-cita
ngudag-ngudag mangsa jeung rasa
Hirup teh tunggara
upama tresna kalid sulaya
Hirup teh seuneu
nu ngaduruk lulurung sukma
Hirup teh ibadah
rela ihlas ngumawula

Hirup teh aci-acining:
Bagja!

. Bandung, 11 September 1994

         Ayeuna
Jeujeur harupat tuluy ngipisan
indung suku tuturut peot
awak jadi budak
waragad teu walakaya

geuning teu di kawit teu di pungkas
kokojayan dina lantaran
sebrot hareudang hiliwir angin
ngalengkah numut sarangenge

los kaditu los kadieu
ngarenghap tuluy hah heh hoh
mmm, ngajerit diudag seuri
Nya ayeuna mah ayeuna...

      bulan ngalimba
sanajan bulan tumunggal
caangna mah bati nu hegar
bangun nu teu ngemu tunggara

sanajan bulan nyorangan
teu risi ngambah sagara peuting
nganti bentang nu baris marengan
nganteur nyorang simpena peuting
nepi ka balebat nyampeur
nyinglarkeun kahieum ati

antara bandung madiun
30 september 2007

           Ibun harepan
kamari rundayan katineung rek dipalerkeun
bongan mawa eurih
nu ngageuri kana ati
ngabudalkeun kingkin
jeung rambisakna rasa

tadi,
ku naon salira ngaririhan deui
mawa ibun sanajan sakeclak
nu nyirungan deui katineung
nu ngahaja rek disinglar

duh gamparan,
guligahna rasa
hamo bisa disidem deui..

-madiun, 2 oktober 2007 -

Itulah kumpulan puisi cinta basa sunda.

1 Response to "Puisi Cinta Basa Sunda"

  1. :gotkp mumpun punya pacar orang sunda belajar ahhh.... thanks

    BalasHapus